የአባቴን ነገር አለማወቅ ነው!!!!
ይህ የአዲስ አበባ እምብርት ፣ የእምዬ ምኒሊክ ሃውልት አምባ ነው!
- የአክሱምን ከተማም ሆነ ፣ የአክሱማውያንን ርቀት የምትለካው ከዚህ ስፍራ ዜሮ ብለህ ጀምረህ ነው!
- የላሊበላንና የጎንደርን ርቀት የምትመትረው ከዚሁ ከፒያሳ የእምዬ ሃውልት ስር ተነስተህ ነው!
- የጣሊያንን ጦር የመቅኔ ቋቱን የሰበሩበት ፣ የሶሎዳ ተራሮች ሰንሰለት አድዋ አባቶቼ ጉዟቸውን የቀደሱት ከዚሁ ነው!
- በጭቆና ቀንበር ስር ሲሰቃይ የኖረው የጥቁር ዘር በሙሉ እውነተኛ የብርሃን ውጋጋን አይቶ፣ ነፃነቱን ያወጀበት እለት የሚጀምረው ከዚሁ ሀውልት ስር ነው!
- የሶስት ሺህ ዘመን የኢትዮጵያ ታሪክ ፣ ላይለያይ ተጋምዶ ፣ ተፈትሎ እና ተውቦ ውሉ ከነጥለቱ የተሰፋው ፣ በእምዬ ምኒሊክ ሃወልት ስር ነው!
- ይህ በጳጳስ ጀግናው ፣ እንኳን ኢትዮጵያን ምድሪቷን በጣሊያን ላይ የገዘቱትን ኢትዮጵያዊ ፣ አቡነ ጴጥሮስ ከጊዮርጊስ ቁልቁል በስስት እያየ ፣ የንጋትን ፀሐይ ፣ የሌትን ድቅድቅ በግርማ የሚያሳልፍ ፈርጥ ፣ የልቤ ገሚሱ ነው!
ስለዚህ ይህ ሃውልት ብቻ ነው ብለህ ያሰብክ ካለህ፣ ላስተምርህ ፈቃዴ ነው!
- ይህ ማህተቤ ነው!
- ይህ የምስጋና ምኩራቤ ነው!
- ይህ የአያት የቅድመ አያቴ ፣ የአባቴ ፣ ለኔም የማንነቴ ፣ ለልጆቼ እና ለልጅ ልጆቼ የማንነታችን መሰረት ነው!
No comments