የበላይ በቀለ ወያ ሃሳቦች እና ግጥሞች

አንድ ሰው "አንባቢ ነኝ" ካለ ማንበቡ ፣ ማወቁ ፣ መማሩ ፣ ከክፋት ካላራቀው ፣ ከምቀኝነት ካላሸሸው፣ ሻጥረኛ አሻጥረኛ ተንኮለኛ ስስታም ፣ ሀሜተኛ ፣ ደበኛ፣ ቂመኛ ፣ ወረኛ ፣ ነገረኛ ፣ ትእቢተኛ ፣ እብሪተኛ ፣ ራስን ቆላይ፣ አስመሳይ!!! ከሆነ ምንድ ነው ያነበበው ?(ሀገራዊ ጥያቄ ነው የጠየኳችሁ!)  

በተለይ ደሞ "ጥበብ ጠራችኝ ። ጥበብ አባረረችኝ።" በምንል በስነፅሁፍ ሰዎች መሐል ያለው መገፋፋት ፣ ምቀኝነት ፣ ክፉ ቅናት ፣ መናናቅ ፣ አንዱ አንዱን ለመጣል የሚደረግ ሴራ ፣ እብሪት የትየለሌ ሻጥሮች በኛ ላይ ይብሳል። 

እርግጥ ነው እጅግ በጣም ጥቂቶች በጣት የሚቆጠሩ የጥበብ ሰዎች ፣ ገጣሚዎች ፣ደራሲዎች ፣ ሰዓሊያን ከቅንነት እና ከእውቀት ጋር የሚኖሩት። በተረፈ አብዛኞቻችን እንጭራለን እናነባለን ፣ተምረናል ፣ አውቀናል የምንል የስነፅሁፍ ሰዎች ሲበዛ ምቀኞች ሴረኞች ፣ ክፉ ቅናተኞች ፣ እብሪተኞችና ስስታሞች ነው። 

አንዳንዱማ ላይክ ሲበዛልህ ካየ ፣ ስምህ በሰናይ መልኩ ሲነሳ ካየ አይኑ ደም ይለብሳስ !!! ታዲያ አንዳንዴ እናነባለን ፣ እንፅፋለን ፣ ተምረናል በምንለው ላይ ይህ ነገር ጎልቶ ሲታይ "ያልተማረ ይግደለኝ!" ያስብላል። 

አንዳንዴም "ምነው ጥበብ ስትጠራኝ የማርያምን ብቅል እየፈጨሁ ነው።" ባልኳት ኖሮ እያስባለ ያስቆጫል!!! አንዳንዴም ብዙ አንብበናል የምንል እኛ ምን እንዳነበብን ግራ ሲገባነ "መፅሐፍ ራሱን አያነብም!!!"ብለን እንፈላሰፋለን። ምን ይሆን የምናነበው?

በ"ኛል "ቤት መመካት

ሰው ዛሬ ቢወደኝ ፣ ነገ ይጠላኛል
ሳገኝ የቀረበኝ ፣ ሳጣ ይርቀኛል
አንድ እውነት ግን አለኝ!
ለፀብ ሲፈልጉኝ ፣ ፍቅር ያገኘኛል
እኔ አልታገልም
ጠልተው ሲታገሉኝ ፣ ፍቅሩ ይጥልልኛል
እርሱ ስለኳለኝ ፣ ማን ያጠለሸኛል ?!!!

መልካም የጡት ዘመን

እኔ ጡትሽ ሞኙ
እኔ ጡት አማኙ
እኔ በጡት ሟቹ ፣ እኔ በጡት ዳኙ

እኔ ጡት አምላኪው
ስለ ጡት ሰባኪው
ለጡት ተንበርካኪው

ከእናቴ ማህፀን...
ገና እንደወጣሁ ፣ የማውቃት ጣዕሜ
ከመዳህ አንስቶ...
ሒድ ብሎ ያቆመኝ ፣ ጡት ነውና አቅሜ
ጡት ስላለሽና
ጡት ስለመሰልሽኝ ፣ ወደድኩሽ ዓለሜ😂

እኔ ጡትሽ ሞኙ
እኔ ጡት አማኙ
እኔ ጡት ለማኙ

ልጅ ሳለሁ እናቴ...
ጡት አስጥል ቀብታ ጡቷን ስታስጥለኝ
መስከረም ሲጠባ ጡት እየመሠለኝ
ነጋ ጠባ ሲባል ጡት እየመሠለኝ
የተራሮች ጫፍ ጡት እየመሠለኝ

የሚጠባ እና..
የሚወርድ ነገር ጡት እየመሠለኝ
እንዳልሁሽ መሠረት
ጡት ለሚባል ነገር ታላቅ ፍቅር አለኝ ::

ይኸው ከዛ ወዲህ
ለጡት ያለኝ ፍቅር ፣ ስለነሳኝ አቅሌን
አደባባይ መሐል
ሐውልት አሰርቼ ፣ ያቆምኩት አኖሌን😂

እኔው ራሴው ነኝ
ሀገር ይወቅልኝ ፣ ለጡት መማለሌን😂

ይኸው ከዛ ወዲህ
እንደ ሀመሮች ጡት
ይቆማል ጆሮዬ ፣ ስለጡት ሲያወሱ
ግጥሜን አንብቤ
ከመድረክ ደረት ላይ
በወረድኩኝ ቁጥር ፣ ጡት ነኝ እኔ ራሱ😀

ይኸው ከዛ ወዲህ ወፈርኩ ስትዩኝ
አጋትሽ ነው ምለው ጡት ስለምትመሥዪኝ :)

በማየው ነገር ላይ ፣ ጡት እየተሳለ
ተራራው በሙሉ ፣ ጡት እየመሰለ
አይንሽና ጥርስሽ
መልክ ደምግባትሽ

ጡት መስሎ ቢታየኝ ፣ ወደድኩሽ በፍቅር
ጡት ባይኖርሽና...
ጡት ባትመስዪኝ ኖር ፣ አልወድሽም ነበር፡፡
ጡት ነው ምልክቴ
ጡት ነው ሐይማኖቴ

ጡት ነው የሚያሳየኝ ፣ የአይኔ ጨረሩ
ጡት ነው የሚመስሉኝ ፣ ጠቅላይ ሚንስትሩ
ጡት ነው የሚመስሉኝ ፣ ቅጠሉና ሳሩ፡፡

በቃ እኔ ጡት ስወድ...
እንደመስከረም ወር ፣
ሁሌ በያመቱ ፣ መጥባት ነው እቅዴ
ለጡት ካለኝ ፍቅር
ሁሌ ህፃን በሆንኩ ፣ እላለሁ አንዳንዴ
ከንፈርሽ ራሱ
ጣእሙን ስቀምሰው ፣ ጡት ጡት ይላል ውዴ፡፡

ደመናን ያጋተ ፣ ይህ ግዙፍ ሰማይም
መላኢክት ሚጠቡት...
ግዙፍ ጡት ይመስላል ፣ ጫፉ ባይታይም😀😀😂

መልካም አዲስ አመት ለሁላችሁ ከ❤ ተመኘሁ!!! 

ከወዲሁ ልሰናበት። የጡት ሰው ይበለን!!!